ವಾಸ್ತು ಶಾಸ್ತ್ರ: ಉತ್ತರ ದಿಕ್ಕಿನಲ್ಲಿ ಈ ವಸ್ತುಗಳು ಇದ್ದರೆ ಹಣ ಕೈತಪ್ಪುವುದು ನಿಶ್ಚಿತ!

ವಾಸ್ತು ಶಾಸ್ತ್ರದ ಪ್ರಕಾರ (Vastu Shastra) ಮನೆ ಎಂದರೆ ಕೇವಲ ನಾಲ್ಕು ಗೋಡೆಗಳಲ್ಲ, ಅದು ಶಕ್ತಿಯ ಕೇಂದ್ರ. ಮನೆಯ ಪ್ರತಿಯೊಂದು ದಿಕ್ಕು ಧನಾತ್ಮಕ ಹಾಗೂ ನಕಾರಾತ್ಮಕ ಶಕ್ತಿಗಳ ಮೇಲೆ ಪ್ರಭಾವ ಬೀರುತ್ತದೆ. ಸರಿಯಾದ ವಾಸ್ತು ನಿಯಮಗಳನ್ನು (Vastu Tips Kannada) ಪಾಲಿಸುವುದರಿಂದ ಮನೆಯಲ್ಲಿ ಸುಖ, ಶಾಂತಿ, ಆರೋಗ್ಯ ಮತ್ತು ಆರ್ಥಿಕ ಸಮೃದ್ಧಿ ನೆಲೆಸುತ್ತದೆ ಎಂಬ ನಂಬಿಕೆ ಇದೆ.

ವಿಶೇಷವಾಗಿ ಉತ್ತರ ದಿಕ್ಕುವನ್ನು ವಾಸ್ತು ಶಾಸ್ತ್ರದಲ್ಲಿ ಅತ್ಯಂತ ಮಹತ್ವದ ದಿಕ್ಕೆಂದು ಪರಿಗಣಿಸಲಾಗಿದೆ. ಈ ದಿಕ್ಕಿನಲ್ಲಿ ಸಂಪತ್ತಿನ ದೇವತೆ ಕುಬೇರ ನೆಲೆಸಿರುವನು ಎಂದು ಹೇಳಲಾಗುತ್ತದೆ. ಆದ್ದರಿಂದ ಉತ್ತರ ದಿಕ್ಕಿನಿಂದಲೇ ಹಣದ ಹರಿವು, ಆರ್ಥಿಕ ಅಭಿವೃದ್ಧಿ ಮತ್ತು ಸಕಾರಾತ್ಮಕ ಶಕ್ತಿ ಮನಗೆ ಪ್ರವೇಶಿಸುತ್ತದೆ ಎಂದು ನಂಬಲಾಗುತ್ತದೆ.

ಆದರೆ ತಿಳಿಯದೆ ಕೆಲ ವಸ್ತುಗಳನ್ನು ತಪ್ಪಾದ ರೀತಿಯಲ್ಲಿ ಉತ್ತರ ದಿಕ್ಕಿನಲ್ಲಿ ಇಟ್ಟರೆ, ಅದರಿಂದ ನಕಾರಾತ್ಮಕ ಶಕ್ತಿ (Negative Energy) ಹೆಚ್ಚಾಗಿ ಹಣಕಾಸಿನ ತೊಂದರೆ, ಮನಶಾಂತಿ ಕೊರತೆ ಹಾಗೂ ಕುಟುಂಬದಲ್ಲಿ ಅಶಾಂತಿ ಉಂಟಾಗುವ ಸಾಧ್ಯತೆ ಇದೆ. ಹಾಗಾದರೆ ವಾಸ್ತು ಶಾಸ್ತ್ರದ ಪ್ರಕಾರ ಉತ್ತರ ದಿಕ್ಕಿನಲ್ಲಿ ಯಾವ ವಸ್ತುಗಳನ್ನು ಇಡಬಾರದು? ಬನ್ನಿ ತಿಳಿಯೋಣ.

ಉತ್ತರ ದಿಕ್ಕಿನಲ್ಲಿ ಶೂ-ಚಪ್ಪಲಿ ಹಾಗೂ ಕೊಳಕು ವಸ್ತುಗಳು ಇಡಬೇಡಿ
ವಾಸ್ತು ಶಾಸ್ತ್ರದ ಪ್ರಕಾರ ಉತ್ತರ ದಿಕ್ಕು ಪವಿತ್ರ ಮತ್ತು ಸಕಾರಾತ್ಮಕ ಶಕ್ತಿಯ ಕೇಂದ್ರವಾಗಿದೆ. ಈ ದಿಕ್ಕಿನಲ್ಲಿ ಶೂ, ಚಪ್ಪಲಿ, ಕೊಳಕು ಬಟ್ಟೆ ಅಥವಾ ಅಶುದ್ಧ ವಸ್ತುಗಳನ್ನು ಇಡುವುದರಿಂದ ಕುಬೇರ ದೇವರಿಗೆ ಅಗೌರವ ತೋರಿದಂತೆ ಆಗುತ್ತದೆ ಎಂದು ನಂಬಲಾಗಿದೆ.
ಇದರಿಂದ ಹಣದ ಆಗಮನಕ್ಕೆ ಅಡ್ಡಿಯಾಗಬಹುದು ಹಾಗೂ ಅನಾವಶ್ಯಕ ಖರ್ಚುಗಳು ಹೆಚ್ಚಾಗುವ ಸಾಧ್ಯತೆ ಇರುತ್ತದೆ.
ವಾಸ್ತು ಸಲಹೆ: ಶೂ-ಚಪ್ಪಲಿಗಳನ್ನು ದಕ್ಷಿಣ ಅಥವಾ ಪಶ್ಚಿಮ ದಿಕ್ಕಿನಲ್ಲಿ ಇಡುವುದು ಉತ್ತಮ.

ಡಸ್ಟ್ ಬಿನ್, ಕಸ ಮತ್ತು ಪೊರಕೆ ಉತ್ತರ ದಿಕ್ಕಿಗೆ ಬೇಡ
ಮನೆಯ ಉತ್ತರ ದಿಕ್ಕಿನಲ್ಲಿ ಡಸ್ಟ್ ಬಿನ್, ಕಸದ ಬುಟ್ಟಿ ಅಥವಾ ಪೊರಕೆಯನ್ನು ಇಡುವುದು ವಾಸ್ತು ದೋಷಕ್ಕೆ ಕಾರಣವಾಗುತ್ತದೆ. ಈ ದಿಕ್ಕಿನಲ್ಲಿ ಕಸ ಸಂಗ್ರಹವಾದರೆ, ಆರ್ಥಿಕ ನಷ್ಟ, ಸಾಲದ ಒತ್ತಡ ಮತ್ತು ಹಣ ಉಳಿಯದ ಪರಿಸ್ಥಿತಿ ಎದುರಾಗುತ್ತದೆ ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ.
ವಾಸ್ತು ಟಿಪ್ಸ್: ಉತ್ತರ ದಿಕ್ಕು ಸದಾ ಸ್ವಚ್ಛವಾಗಿದ್ದು, ಬೆಳಕು ಮತ್ತು ಗಾಳಿ ಸುಲಭವಾಗಿ ಹರಿಯುವಂತೆ ಇರಬೇಕು.

ಭಾರವಾದ ಪೀಠೋಪಕರಣಗಳನ್ನು ಉತ್ತರ ದಿಕ್ಕಿನಲ್ಲಿ ಇಡಬೇಡಿ
ಅಲಮಾರಿ, ಕಬ್ಬಿನೆಟ್, ಫ್ರಿಜ್, ಭಾರವಾದ ಸೋಫಾ ಅಥವಾ ದೊಡ್ಡ ಸ್ಟೋರೇಜ್ ವಸ್ತುಗಳನ್ನು ಉತ್ತರ ದಿಕ್ಕಿನಲ್ಲಿ ಇಡುವುದು ಒಳ್ಳೆಯದಲ್ಲ. ಇದರಿಂದ ಉತ್ತರ ದಿಕ್ಕಿನ ಮೇಲೆ ಭಾರ ಹೆಚ್ಚಾಗಿ, ಧನಾತ್ಮಕ ಶಕ್ತಿಯ ಹರಿವು ತಡೆಯಲ್ಪಡುತ್ತದೆ.ಇದರಿಂದ ಆದಾಯದಲ್ಲಿ ಅಡಚಣೆ, ಕೆಲಸದಲ್ಲಿ ಸ್ಥಿರತೆ ಕೊರತೆ ಮತ್ತು ಹಣಕಾಸಿನ ಬೆಳವಣಿಗೆ ನಿಲ್ಲುವ ಸಾಧ್ಯತೆ ಇದೆ.
ಉತ್ತಮ ಆಯ್ಕೆ: ಭಾರವಾದ ವಸ್ತುಗಳನ್ನು ದಕ್ಷಿಣ ಅಥವಾ ಪಶ್ಚಿಮ ದಿಕ್ಕಿನಲ್ಲಿ ಇರಿಸುವುದು ಉತ್ತಮ.

ಉತ್ತರ ದಿಕ್ಕಿನಲ್ಲಿ ಗರಿಗಳು (Feathers) ಇಡುವುದು ಅಪಶಕುನ
ಮನೆಯ ಉತ್ತರ ದಿಕ್ಕಿನಲ್ಲಿ ಯಾವುದೇ ರೀತಿಯ ಗರಿಗಳನ್ನು ಇಡುವುದರಿಂದ ನೆಗೆಟಿವ್ ಎನರ್ಜಿ ಹೆಚ್ಚಾಗುತ್ತದೆ ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ. ಇದರಿಂದ ಮನೆಯ ಸದಸ್ಯರಿಗೆ ಮಾನಸಿಕ ಒತ್ತಡ, ಅಶಾಂತಿ ಹಾಗೂ ಜೀವನದಲ್ಲಿ ಅನೇಕ ಸಮಸ್ಯೆಗಳು ಎದುರಾಗುವ ಸಾಧ್ಯತೆ ಇರುತ್ತದೆ.
ವಾಸ್ತು ನಿಯಮ: ಗರಿಗಳನ್ನು ಡೆಕೋರೇಶನ್‌ಗಾಗಿ ಬಳಸುವುದಾದರೆ, ಅವುಗಳನ್ನು ಉತ್ತರ ದಿಕ್ಕಿನಿಂದ ದೂರವಿಡುವುದು ಒಳಿತು.

ಕಪ್ಪು ಹರಳುಗಳು ಉತ್ತರ ದಿಕ್ಕಿನಲ್ಲಿ ಇರಬಾರದು
ಕುಬೇರನ ದಿಕ್ಕಾದ ಉತ್ತರದಲ್ಲಿ ಕಪ್ಪು ಹರಳುಗಳು ಅಥವಾ ಕಪ್ಪು ಕಲ್ಲುಗಳನ್ನು ಇಡುವುದು ಧನಾತ್ಮಕ ಶಕ್ತಿಗೆ ಅಡ್ಡಿಯಾಗುತ್ತದೆ. ಕಪ್ಪು ಬಣ್ಣವು ಶಕ್ತಿಯನ್ನು ಶೋಷಿಸುವ ಗುಣ ಹೊಂದಿರುವುದರಿಂದ, ಹಣದ ಹರಿವು ಕಡಿಮೆಯಾಗುವ ಸಾಧ್ಯತೆ ಇದೆ.
ವಾಸ್ತು ಸಲಹೆ: ಉತ್ತರ ದಿಕ್ಕಿನಲ್ಲಿ ಹಸಿರು, ನೀಲಿ ಅಥವಾ ಬಿಳಿ ಬಣ್ಣದ ವಸ್ತುಗಳನ್ನು ಬಳಸುವುದು ಶ್ರೇಯಸ್ಕರ.

ಉತ್ತರ ದಿಕ್ಕನ್ನು ಹೇಗೆ ವಾಸ್ತು ಅನುಕೂಲಕರವಾಗಿ ಇರಿಸಬೇಕು?
ಉತ್ತರ ದಿಕ್ಕು ಸದಾ ಸ್ವಚ್ಛವಾಗಿರಲಿ
ಬೆಳಕು ಮತ್ತು ಗಾಳಿಯ ಸಂಚಾರಕ್ಕೆ ಅಡ್ಡಿಯಾಗಬಾರದು
ಹಸಿರು ಗಿಡಗಳು ಅಥವಾ ಕುಬೇರ ಯಂತ್ರ ಇಡುವುದು ಶುಭ
ನೀರಿನ ಅಂಶ (Water Element) ಇದ್ದರೆ ಇನ್ನಷ್ಟು ಉತ್ತಮ

ವಾಸ್ತು ಶಾಸ್ತ್ರದ ಪ್ರಕಾರ ಉತ್ತರ ದಿಕ್ಕು ಮನೆಗೆ ಸಂಪತ್ತು ಮತ್ತು ಸಕಾರಾತ್ಮಕತೆಯನ್ನು ತರುವ ಪ್ರಮುಖ ದಿಕ್ಕಾಗಿದೆ. ಈ ದಿಕ್ಕಿನಲ್ಲಿ ತಪ್ಪಾದ ವಸ್ತುಗಳನ್ನು ಇಡುವುದರಿಂದ ಆರ್ಥಿಕ ಸಮಸ್ಯೆಗಳು ಎದುರಾಗಬಹುದು. ಆದ್ದರಿಂದ ಸರಳವಾದ ವಾಸ್ತು ನಿಯಮಗಳನ್ನು ಪಾಲಿಸುವ ಮೂಲಕ ಮನೆಗೆ ಸುಖ, ಶಾಂತಿ ಮತ್ತು ಸಮೃದ್ಧಿಯನ್ನು ಆಹ್ವಾನಿಸಬಹುದು.