Yash Toxic Release Date: ಭಾರತೀಯ ಚಿತ್ರರಂಗದಲ್ಲಿ ಸದ್ಯ ಎಲ್ಲರ ಕಣ್ಣು ರಾಕಿಂಗ್ ಸ್ಟಾರ್ ಯಶ್ ನಟನೆಯ ‘ಟಾಕ್ಸಿಕ್’ (Toxic) ಸಿನಿಮಾ ಮೇಲಿದೆ. ‘ಕೆಜಿಎಫ್ 2’ ಅಂತಹ ದೈತ್ಯ ಹಿಟ್ ಕೊಟ್ಟ ಮೇಲೆ ಯಶ್ ಮುಂದಿನ ಸಿನಿಮಾ ಯಾವಾಗ ಅಂತ ಇಡೀ ಇಂಡಸ್ಟ್ರಿ ಕಾಯ್ತಿತ್ತು. ನಡುವೆ ಒಂದೆರಡು ಬಾರಿ ರಿಲೀಸ್ ಡೇಟ್ ಪೋಸ್ಟ್ಪೋನ್ ಆಗಿದ್ದಕ್ಕೆ ಗಾಸಿಪ್ಗಳು ಶುರುವಾಗಿದ್ದವು. ಆದರೆ ಈಗ ಚಿತ್ರತಂಡ ಹೊಸ ರಿಲೀಸ್ ಡೇಟ್ ಅನೌನ್ಸ್ ಮಾಡಿದ್ದು, ಆಗಸ್ಟ್ 26ಕ್ಕೆ ಸಿನಿಮಾ ವರ್ಲ್ಡ್ವೈಡ್ ಗ್ರಾಂಡ್ ಆಗಿ ತೆರೆಗೆ ಬರೋದು ಕನ್ಫರ್ಮ್ ಆಗಿದೆ.
ಈ ಹೊತ್ತಲ್ಲೇ ಸಿನಿಮಾದಲ್ಲಿ ಪ್ರಮುಖ ಪಾತ್ರ ಮಾಡಿರೋ ಬಾಲಿವುಡ್ ನಟಿ ಹುಮಾ ಖುರೇಷಿ ಕೊಟ್ಟಿರೋ ಒಂದು ಹೇಳಿಕೆ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿದೆ.
Yash Toxic Release Date: ಯಶ್ ವರ್ಕಿಂಗ್ ಸ್ಟೈಲ್ಗೆ ಹುಮಾ ಫಿದಾ
ಇತ್ತೀಚೆಗೆ ಎಬಿಪಿ ಸಂದರ್ಶನದಲ್ಲಿ ಮಾತನಾಡಿದ ಹುಮಾ ಖುರೇಷಿ, ತಾನು ಮೊದಲಿನಿಂದಲೂ ಯಶ್ ಅವರ ದೊಡ್ಡ ಫ್ಯಾನ್ ಅಂತ ಹೇಳ್ಕೊಂಡಿದ್ದಾರೆ. ಅಷ್ಟೇ ಅಲ್ಲ, “ನಾನು ಮುಂಚೆನೇ ಯಶ್ ಅವರ ಅಭಿಮಾನಿಯಾಗಿದ್ದೆ. ಆದರೆ ‘ಟಾಕ್ಸಿಕ್’ ಸೆಟ್ನಲ್ಲಿ ಅವರ ಜೊತೆ ಕೆಲಸ ಮಾಡಿದ ಮೇಲೆ ಅವರ ಮೇಲಿರೋ ಇಷ್ಟ ಇನ್ನೂ ದುಪ್ಪಟ್ಟಾಗಿದೆ” ಎಂದಿದ್ದಾರೆ. ಶೂಟಿಂಗ್ ಸ್ಪಾಟ್ನಲ್ಲಿ ಯಶ್ ಅವರ ಶಿಸ್ತು, ಕಷ್ಟಪಡೋ ಗುಣ ಮತ್ತು ಎಲ್ಲರನ್ನೂ ಗೌರವಿಸೋ ರೀತಿ ತಮಗೆ ತುಂಬಾನೇ ಇಷ್ಟ ಆಯ್ತು ಅಂತ ಹುಮಾ ಹೊಗಳಿದ್ದಾರೆ.
Yash Toxic Release Date: 8-9 ನಿಮಿಷದ ದೃಶ್ಯ ನೋಡಿ ಮೈ ನವಿರೇಳಿತು!
ಇದೇ ಇಂಟರ್ವ್ಯೂನಲ್ಲಿ ಹುಮಾ ಒಂದು ಇಂಟರೆಸ್ಟಿಂಗ್ ವಿಷಯ ಹಂಚಿಕೊಂಡಿದ್ದಾರೆ. ಅವರಿಗೆ ‘ಟಾಕ್ಸಿಕ್’ ಸಿನಿಮಾದ ಸುಮಾರು 8 ರಿಂದ 9 ನಿಮಿಷಗಳ ಎಡಿಟ್ ಮಾಡಿದ ದೃಶ್ಯಗಳನ್ನು ನೋಡೋ ಚಾನ್ಸ್ ಸಿಕ್ಕಿತ್ತಂತೆ.
“ಆ ಎಂಟು-ಒಂಬತ್ತು ನಿಮಿಷದ ಸೀನ್ಗಳನ್ನು ನೋಡಿ ನಾನು ಅಕ್ಷರಶಃ ದಂಗಾಗಿ ಹೋದೆ. ನನ್ನ ಇಡೀ ಸಿನಿ ಜರ್ನಿಯಲ್ಲಿ ಇಂತಹ ಅದ್ಭುತವಾದ ಮೇಕಿಂಗ್ ನಾನು ಎಲ್ಲೂ ನೋಡಿರಲಿಲ್ಲ.”
— ಹುಮಾ ಖುರೇಷಿ
ಹಿಂದಿ, ಸೌತ್ ಇಂಡಸ್ಟ್ರಿ ಮಾತ್ರವಲ್ಲದೆ ಹಾಲಿವುಡ್ ಸಿನಿಮಾದಲ್ಲೂ ಆಕ್ಟ್ ಮಾಡಿರೋ ಹುಮಾ ಖುರೇಷಿ ಅವರೇ ಈ ರೇಂಜ್ಗೆ ಮಾತಾಡಿರೋದು ಫ್ಯಾನ್ಸ್ ಕುತೂಹಲವನ್ನು ಮತ್ತಷ್ಟು ಹೆಚ್ಚು ಮಾಡಿದೆ.
Yash Toxic Release Date: ಗ್ಲೋಬಲ್ ರಿಲೀಸ್ಗೆ ರೆಡಿಯಾಗ್ತಿದೆ ‘ಟಾಕ್ಸಿಕ್’
ಮಲಯಾಳಂನ ಖ್ಯಾತ ನಿರ್ದೇಶಕಿ ಗೀತು ಮೋಹನ್ದಾಸ್ ಈ ಚಿತ್ರವನ್ನು ಡೈರೆಕ್ಟ್ ಮಾಡ್ತಿದ್ದಾರೆ. ಸಿನಿಮಾ ಪರ್ಫೆಕ್ಟ್ ಆಗಿ ಬರಲಿ ಅನ್ನೋ ಕಾರಣಕ್ಕೆ ಇತ್ತೀಚೆಗೆ ಕೆಲವು ದೃಶ್ಯಗಳನ್ನು ರೀ-ಶೂಟ್ ಕೂಡ ಮಾಡಲಾಗಿದೆ ಅನ್ನೋ ಟಾಕ್ ಇದೆ. ಒಟ್ಟಿನಲ್ಲಿ, ಈಗ ಸಿಕ್ಕಿರೋ ಈ ಅಪ್ಡೇಟ್ ರಾಕಿ ಭಾಯ್ ಫ್ಯಾನ್ಸ್ಗೆ ಫುಲ್ ಜೋಶ್ ತಂದಿರೋದಂತೂ ನಿಜ.
Leave a Comment