ನಿಮ್ಮ ಮೆದುಳು ಚುರುಕಾಗಬೇಕೇ..? ಹಾಗಾದ್ರೆ ಈ ವ್ಯಾಯಾಮ ಮಾಡಿ

ನಮ್ಮ ದೇಹದ ಪ್ರತಿಯೊಂದು ಭಾಗವೂ ಕೂಡ ಬಹಳ ಮುಖ್ಯ. ಅವುಗಳು ಆರೋಗ್ಯವಾಗಿದ್ದರೆ ನಮ್ಮ ಜೀವನಶೈಲಿ ಚೆನ್ನಾಗಿ ಇರಬೇಕಾಗುತ್ತದೆ. ಅದರಲ್ಲಿಯೂ ಮೆದುಳಿನ ಆರೋಗ್ಯ ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ಅದರಲ್ಲೂ ಮೆದುಳನ್ನು ಚುರುಕುಗೊಳಿಸುವುದು ಅತ್ಯವಶ್ಯವಾಗಿದ್ದು, ಅದಕ್ಕಾಗಿ ಕೆಲವೊಂದು ಅಭ್ಯಾಸಗಳನ್ನು ರೂಢಿಸಿಕೊಳ್ಳಬೇಕಾಗುತ್ತದೆ. ಈ ವ್ಯಾಯಾಮಗಳನ್ನ ಮಾಡಿದರೆ, ಮೆದುಳು ಚುರುಕಾಗುತ್ತದೆ.
ಮೆದುಳನ್ನು ಚುರುಕಾಗಿರಿಸಲು ಕೆಲವೊಂದು ವರ್ಕೌಟ್‌ಗಳಿವೆ
ಮನುಷ್ಯನ ದೇಹದಲ್ಲಿನ ಪ್ರತಿಯೊಂದು ಭಾಗವೂ ಬಹಳ ಮುಖ್ಯವಾಗಿದ್ದು, ಇದಕ್ಕೆ ಮೆದುಳು ಹೊರತಾಗಿಲ್ಲ. ಹಾಗಾಗಿ ಮೆದುಳಿನ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಅವಶ್ಯವಾಗಿದೆ. ನಮ್ಮ ಯೋಚನಾಶಕ್ತಿಯನ್ನು ವೃದ್ಧಿಸುವುದರಿಂದ ಹಿಡಿದು ನೆನಪಿನ ಶಕ್ತಿಯನ್ನು ಹೆಚ್ಚಿಸುವುದರಲ್ಲಿಯೂ ಕೂಡ ಮೆದಳು ಮುಖ್ಯ ಪಾತ್ರ ವಹಿಸುತ್ತದೆ. ಇದರೊಂದಿಗೆ ನಮ್ಮ ಕ್ರಿಯಾಶೀಲತೆಯು ನಮ್ಮ ಮೆದುಲಿನ ಮೇಲೆ ನಿರ್ಧರಿತವಾಗಿದ್ದು, ನಾವು ಅರೋಗ್ಯವಾಗಿ ಸಕ್ರಿಯ ಜೀವನ ನಡೆಸಲು ಮೆದುಳು ಬಹಳ ಮುಖ್ಯವಾಗುತ್ತದೆ. ಅದರಲ್ಲೂ ಈ ಆಧುನಿಕ ಯುಗದಲ್ಲಿ ನಾವು ಸೃಜನಶೀಲರಾಗಿರುವುದರ ಜೊತೆಗೆ, ನಮ್ಮತನವನ್ನು ನಾವು ಸಾಬೀತು ಮಾಡಿಕೊಂಡು ಯಶಸ್ಸು ಗಳಿಸುವುದು ಮುಖ್ಯವಾಗಿರುತ್ತದೆ. ಅದಕ್ಕೆ ಮುಖ್ಯವಾಗಿ ನಮ್ಮ ಮೆದುಳು ಚುರುಕಾಗಿರಬೇಕಾಗುತ್ತದೆ. ಬೇರೆಯವರಿಗಿಂತ ಬುದ್ಧಿವಂತರಾಗಲು, ಸಂದರ್ಭಕ್ಕೆ ತಕ್ಕಂತೆ ಒಳ್ಳೆಯ ನಿರ್ಧಾರಗಳನ್ನು ಕೈಗೊಳ್ಳಲು ಸಹಕಾರಿಯಾಗಿರುವ ಮೆದುಳಿಗೆ ಅತ್ಯುತ್ತಮ ಆಹಾರ ಪದ್ಧತಿಯನ್ನು ಮಾಡಿಸುವುದರ ಜೊತೆಗೆ ಮೆದುಳನ್ನು ಚುರುಕಾಗಿ ಇರಿಸುವಂತಹ ಚಟುವಟಿಕೆಗಳನ್ನು ಮಾಡುವುದು ಅಗತ್ಯವಾಗಿದೆ.
ಪ್ರತಿದಿನ ಈ ಬ್ರೈನ್ ವರ್ಕೌಟ್‌ಗಳನ್ನ ಮಾಡಿದ್ರೆ ನಿಮ್ಮ ಬುದ್ಧಿ ಶಕ್ತಿ ಜಾಸ್ತಿ ಆಗುವುದರ ಜೊತೆಗೆ ಮೆದುಳು ಪಾದರಸದಂತಾಗುತ್ತದೆ.

ಹೊಸ ಹವ್ಯಾಸಗಳನ್ನು ರೂಢಿಸಿಕೊಳ್ಳಿ
ಹೌದು ಮೆದುಳನ್ನು ಕ್ರಿಯಾಶೀಲವಾಗಿರಿಸಲು ಪುಸ್ತಕಗಳನ್ನು ಓದುವುದು, ಒಗಟುಗಳನ್ನು ಬಿಡಿಸುವುದು, ಹೊಸ ಭಾಷೆ ಅಥವಾ ಸಂಗೀತ ವಾದ್ಯವನ್ನು ಕಲಿಯುವುದು ಅಥವಾ ಹೊಸ ಹವ್ಯಾಸಗಳನ್ನು ರೂಢಿಸಿಕೊಳ್ಳಬೇಕು. ಇದರಿಂದ ಮೆದುಳಿನಲ್ಲಿ ಹೊಸ ಹೊಸ ಸಂಪರ್ಕಗಳು ಏರ್ಪಡುತ್ತವೆ. ನೆನಪಿನ ಶಕ್ತಿ ಹೆಚ್ಚಾಗುತ್ತದೆ. ಚುರುಕುತನ ಹೆಚ್ಚುತ್ತದೆ. ಜೊತೆಗೆ ಮೆದುಳಿಗೆ ವಯಸ್ಸಾಗುವುದನ್ನು ಕಡಿಮೆ ಮಾಡುತ್ತವೆ.

ವ್ಯಾಯಮ ಮಾಡಿ
ನಾವು ಹೇಗೆ ದೇಹವನ್ನು ಫಿಟ್ ಆಗಿಡಲು ಜಿಮ್, ವ್ಯಾಯಾಮ ಮಾಡುತ್ತೇವೆಯೋ, ಹಾಗೇ ಮೆದುಳನ್ನು ಚುರುಕಾಗಿ ಇಡಲು ಕೂಡಾ ಕೆಲವೊಂದು ವ್ಯಾಯಾಮಗಳಿವೆ. ವಾರದಲ್ಲಿ ಕನಿಷ್ಟ ೫ ದಿನಗಳಾದರೂ ೨೦ರಿಂದ ೩೦ ನಿಮಿಷಗಳ ವೇಗದ ನಡಿಗೆ(ವಾಕಿಂಗ್), ಸೈಕ್ಲಿಂಗ್ ಅಥವಾ ಹೃದಯ ಬಡಿತ ಸ್ವಲ್ಪ ಹೆಚ್ಚಿಸುವ ಯಾವುದೇ ಚಟುವಟಿಕೆಯನ್ನು ಮಾಡಬೇಕು. ಇದರಿಂದ ನಿಮ್ಮಲ್ಲಿ ಕ್ರಿಯಾಶೀಲತೆ ಹೆಚ್ಚುತ್ತದೆ.

ಹೊಸ ಕೌಶಲ್ಯವನ್ನು ಕಲಿಯಿರಿ
ಹೊಸ ಕೌಶಲವನ್ನು ಕಲಿಯುವುದರೊಂದಿಗೆ ಅಡುಗೆ ಮಾಡಲು ಕಲಿಯುವುದು, ಟೂತ್‌ಪಿಕ್‌ಗಳಿಂದ ಕಟ್ಟಡ, ಪಿರಾಮೀಡ್‌ಗಳನ್ನು ನಿರ್ಮಿಸುವುದು, ಹೀಗೆ ಏನಾದರೂ ನಿಮಗೆ ನೀವೇ ವಿಭಿನ್ನ ಟಾಸ್ಕಗಳನ್ನು ಕೊಟ್ಟು ಯಾವಾಗಾಲೂ ಬ್ಯುಸಿ ಆಗಿರುವಂತೆ ನೋಡಿಕೊಳ್ಳಿ.

ಮೆದುಳಿಗೆ ಕೆಲಸ ನೀಡುವ ಆಟ ಆಡಿ
ನಿಮ್ಮ ಮೆದುಳು ಆರೋಗ್ಯವಾಗಿರಬೇಕೆಂದರೆ ಅದಕ್ಕೆ ಹೆಚ್ಚಿನ ಚಟುವಟಿಕೆ ಅಗತ್ಯ. ಸುಡೊಕೊ, ಪದ ಬಂಧ, ಪಜಲ್ಸ್ ಇತ್ಯಾದಿ ಇನ್ನಿತರ ಅಟಗಳನ್ನು ಆಡಿದರೆ ನಿಮ್ಮ ಮೆದುಳಿನ ಚುರುಕುತನ ಹೆಚ್ಚಾಗುತ್ತದೆ. ಇದರೊಂದಿಗೆ ಧ್ಯಾನ ಮಾಡುವ ಅಭ್ಯಾಸವನ್ನು ರೂಢಿಸಿಕೊಳ್ಳಿ. ಇದರಿಂದ ನಿಮ್ಮ ಮನಸ್ಸು/ದೇಹಕ್ಕೆ ಬಹಳ ಪ್ರಯೋಜನವಿದ್ದು, ಧ್ಯಾನವು ನಿಮಗೆ ವಿಶ್ರಾಂತಿ ನೀಡುವುದಲ್ಲದೆ, ನಿಮ್ಮ ಮೆದುಳಿಗೆ ಚಟುವಟಿಕೆ ನೀಡುತ್ತದೆ.

ಹೊಸತನ್ನು ಏನಾದರೂ ಪ್ರಯತ್ನಿಸಿ
ಕಲಿಕೆಗೆ ವಯಸ್ಸಿನ ಹಂಗಿಲ್ಲ ಅನ್ನುತ್ತಾರೆ, ಹಾಗಾಗಿ ಸಮಯ ಸಿಕ್ಕಾಗಲೆಲ್ಲ ಹೊಸತನ್ನು ಏನಾದರೂ ಕಲಿಯುವ ಪ್ರಯತ್ನ ಮಾಡಿ. ಹೊಸ ಭಾಷೆಯೊಂದನ್ನು ಕಲಿಯುವುದು, ಸಂಗೀತ, ಚಿತ್ರ ಮೊದಲಾದ ಕಲಾಪ್ರಾಕಾರಗಳು, ಪುಸ್ತಕವೊಂದನ್ನು ಬರೆಯುವುದು, ಸ್ವಿಮ್ಮಿಂಗ್ ಹೀಗೆ ಮೊದಲಾದ ಹವ್ಯಾಸಗಳನ್ನು ಬೆಳಸಿಕೊಳ್ಳಿ ಇದರಿಂದ ಮೆದುಳಿಗೆ ಕೆಲಸ ನೀಡಿದಂತಾಗುತ್ತದೆ.