Kiccha Sudeep Caravan: ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ನಟ ಕಿಚ್ಚ ಸುದೀಪ್ ಅವರ ಹೊಸ ಕ್ಯಾರಾವ್ಯಾನ್ ವಿಡಿಯೋಗಳೇ ಸಖತ್ ವೈರಲ್ ಆಗ್ತಿವೆ. ಸ್ಯಾಂಡಲ್ವುಡ್ ಇತಿಹಾಸದಲ್ಲೇ ಇದು ಅತ್ಯಂತ ಐಷಾರಾಮಿ ಮತ್ತು ದುಬಾರಿ ಕ್ಯಾರಾವ್ಯಾನ್ ಎನ್ನಲಾಗುತ್ತಿದ್ದು, ಇದರ ಅಂದಾಜು ಮೊತ್ತ ಬರೋಬ್ಬರಿ ₹6.5 ಕೋಟಿ ರೂಪಾಯಿ!
ಕಿಚ್ಚ ಸುದೀಪ್ ಅವರಿಗೆ ಶೂಟಿಂಗ್ ಸೆಟ್ಟಿನಲ್ಲಿ ಎಲ್ಲವೂ ಪರ್ಫೆಕ್ಟ್ ಆಗಿರಬೇಕು ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಷಯ. ಕೆಲವು ತಿಂಗಳ ಹಿಂದಷ್ಟೇ ಕೋಟಿ ಬೆಲೆಯ ‘ಟೊಯೊಟಾ ವೆಲ್ಫೈರ್’ ಕಾರ್ ಖರೀದಿಸಿದ್ದ ಸುದೀಪ್, ಈಗ ಈ ಹೈಟೆಕ್ ಕ್ಯಾರಾವ್ಯಾನ್ ಮೂಲಕ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.
ಹಾಗಾದ್ರೆ ಈ ಕ್ಯಾರಾವ್ಯಾನ್ ವಿಶೇಷತೆ ಏನು? ಇದನ್ನು ಡಿಸೈನ್ ಮಾಡಿದ್ದು ಯಾರು? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್:
Kiccha Sudeep Caravan: ಡಿಸೈನ್ ಮಾಡಿದ್ದು ಯಾರು?
ಸುದೀಪ್ ಅವರ ಟೇಸ್ಟ್ಗೆ ತಕ್ಕಂತೆ ಈ ಗಾಡಿಯನ್ನು ಭಾರತದ ಪ್ರಸಿದ್ಧ ಆಟೋಮೊಬೈಲ್ ಡಿಸೈನರ್ ದಿಲೀಪ್ ಛಾಬ್ರಿಯಾ ಅವರ ಒಡೆತನದ ‘DC2’ ಸಂಸ್ಥೆ ಸಿದ್ಧಪಡಿಸಿದೆ. ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಅವರ ಕ್ಯಾರಾವ್ಯಾನ್ ಕೂಡ ಇದೇ ಸಂಸ್ಥೆಯಲ್ಲಿ ಡಿಸೈನ್ ಆಗಿತ್ತು ಎಂಬುದು ವಿಶೇಷ.
Kiccha Sudeep Caravan: ಒಳಗೆ ಏನೇನಿದೆ?
ಮುಂದಿನ ಆರು ತಿಂಗಳು ಸುದೀಪ್ ಶೆಡ್ಯೂಲ್ ಸಿಕ್ಕಾಪಟ್ಟೆ ಟೈಟ್ ಆಗಿದೆ. ಬಿಗ್ ಬಾಸ್ ಜೊತೆಗೆ ‘ಬಿಲ್ಲ ರಂಗ ಭಾಷಾ’ ಹಾಗೂ ಇನ್ನೂ ಮೂರ್ನಾಲ್ಕು ಸಿನಿಮಾಗಳ ಕೆಲಸಗಳು ಸಾಲಾಗಿವೆ. ಹೀಗಾಗಿ ಶೂಟಿಂಗ್ ಸ್ಪಾಟ್ನಲ್ಲೇ ಮನೆಯ ಫೀಲ್ ಸಿಗಲಿ ಅಂತ ಈ ಕ್ಯಾರಾವ್ಯಾನ್ನಲ್ಲಿ ಸಕಲ ಸೌಕರ್ಯಗಳನ್ನು ಕೊಡಲಾಗಿದೆ.
•ಲಿವಿಂಗ್ ಏರಿಯಾ: ಶೂಟಿಂಗ್ ಗ್ಯಾಪ್ನಲ್ಲಿ ನಿರ್ದೇಶಕರು ಹಾಗೂ ಸಿನಿಮಾದವರ ಜೊತೆ ಕೂತು ಕಥೆ ಚರ್ಚೆ ಮಾಡಲು ಸೂಪರ್ ಆದ ಲಿವಿಂಗ್ ಸ್ಪೇಸ್ ಇದೆ.
•ಬೆಡ್ ರೂಮ್: ಸುದೀಪ್ ಅವರು ನಿದ್ದೆ ಮಾಡುವುದು ತುಂಬಾ ಕಡಿಮೆ ಅನ್ನೋದು ಅವರ ಪತ್ನಿ ಪ್ರಿಯಾ ಅವರ ಕಂಪ್ಲೇಂಟ್. ಆದರೆ ಶೂಟಿಂಗ್ ತಡವಾದಾಗ ಅಥವಾ ಸುಸ್ತಾದಾಗ ವಿಶ್ರಾಂತಿ ಪಡೆಯಲು ಇಲ್ಲಿ ಬೆಡ್ ರೂಮ್ ವ್ಯವಸ್ಥೆ ಇದೆ.
•ಮಿನಿ ಕಿಚನ್: ಕಿಚ್ಚನಿಗೆ ಅಡುಗೆ ಮಾಡುವುದು ಅಂದ್ರೆ ಪ್ರಾಣ. ಹೀಗಾಗಿ ಕ್ಯಾರಾವ್ಯಾನ್ ಒಳಗೆ ಅವರ ಇಷ್ಟದ ಅಡುಗೆ ಮಾಡಲು ಒಂದು ಮಿನಿ ಕಿಚನ್ ಕೂಡ ಸೆಟ್ ಮಾಡಲಾಗಿದೆ.
•ಮಿನಿ ಜಿಮ್: ಫಿಟ್ನೆಸ್ ರೊಟೀನ್ ಮಿಸ್ ಆಗಬಾರದು ಅಂತ ಸಣ್ಣದೊಂದು ಜಿಮ್ ಏರಿಯಾ ಕೂಡ ಇದೆ. ಇದರ ಜೊತೆಗೆ ವಾಶ್ ರೂಮ್, ಟಿವಿ ಹಾಗೂ ಸೌಂಡ್ ಸಿಸ್ಟಮ್ಗಳೂ ಇವೆ.
Kiccha Sudeep Caravan: ಸುದೀಪ್ ಕೈ ಸೇರಿದೆಯೇ?
ಸದ್ಯಕ್ಕಂತೂ ಈ ಕ್ಯಾರಾವ್ಯಾನ್ ಸುದೀಪ್ ಕೈ ಸೇರಿಲ್ಲ. ಪುನಾದಲ್ಲಿ ಇದರ ಅಂತಿಮ ಹಂತದ ಕೆಲಸಗಳು ನಡೆಯುತ್ತಿದ್ದು, ಬೆಂಗಳೂರಿಗೆ ಬರಲು ಇನ್ನು 2 ರಿಂದ 3 ವಾರಗಳು ಬೇಕಾಗಬಹುದು. ಸದ್ಯ ಸುದೀಪ್ ‘ಬಿಲ್ಲ ರಂಗ ಭಾಷಾ’ ಚಿತ್ರದ ಶೂಟಿಂಗ್ನಲ್ಲಿದ್ದು, ಈ ಶೆಡ್ಯೂಲ್ ಮುಗಿದು ಮುಂದಿನ ಶೆಡ್ಯೂಲ್ ಆರಂಭವಾಗುವ ಹೊತ್ತಿಗೆ ಈ ಐಷಾರಾಮಿ ಕ್ಯಾರಾವ್ಯಾನ್ ಅವರ ಕೈ ಸೇರಲಿದೆ.
Leave a Comment