Sharmila Mandre Marriage: ಹಸೆಮಣೆ ಏರಲು ಸಜ್ಜಾದ ಸ್ಯಾಂಡಲ್‌ವುಡ್ ಸುಂದರಿ ಶರ್ಮಿಳಾ ಮಾಂಡ್ರೆ

Sharmila Mandre Marriage: ಕನ್ನಡದ ಖ್ಯಾತ ನಟಿ ಶರ್ಮಿಳಾ ಮಾಂಡ್ರೆ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ. ತಮಿಳು ಚಿತ್ರರಂಗದ ಖ್ಯಾತ ನಿರ್ಮಾಪಕ ಸುಧನ್ ಸುಂದರಮ್ ಜೊತೆ ಇವರ ಮದುವೆ ಫಿಕ್ಸ್ ಆಗಿದೆ.

ಇದೇ ಜೂನ್ 25 ರಂದು ಇವರಿಬ್ಬರ ನಿಶ್ಚಿತಾರ್ಥ (ಎಂಗೇಜ್‌ಮೆಂಟ್) ಬಹಳ ಅದ್ಧೂರಿಯಾಗಿ ನಡೆಯಲಿದ್ದು, ಇದೇ ವರ್ಷದಲ್ಲೇ ಮದುವೆ ಮಾಡಲು ಎರಡೂ ಕುಟುಂಬಗಳು ನಿರ್ಧರಿಸಿವೆ.

Sharmila Mandre Marriage: ಯಾರು ಈ ಸುಧನ್ ಸುಂದರಮ್?

ಸುಧನ್ ತಮಿಳು ಸಿನಿಮಾಗಳ ದೊಡ್ಡ ನಿರ್ಮಾಪಕರು. ಇತ್ತೀಚೆಗಷ್ಟೇ ಸೂಪರ್ ಹಿಟ್ ಆದ ವಿಜಯ್ ಸೇತುಪತಿ ಅವರ 50ನೇ ಸಿನಿಮಾ ‘ಮಹಾರಾಜಾ’ ಹಾಗೂ ‘ತಾಯ್ ಕಿಳವಿ’ ಚಿತ್ರಗಳಿಗೆ ಇವರೇ ಸಹ-ನಿರ್ಮಾಪಕರಾಗಿ ಬಂಡವಾಳ ಹೂಡಿದ್ದರು. ಇದಲ್ಲದೆ ‘ಸೀತಾಕಾಥಿ’ ಮತ್ತು ‘ಅನ್ನಾಬೆಲ್ಲೆ ಸೇತುಪತಿ’ ಸಿನಿಮಾಗಳನ್ನೂ ಇವರೇ ನಿರ್ಮಾಣ ಮಾಡಿದ್ದಾರೆ.

Sharmila Mandre Marriage: ಶರ್ಮಿಳಾ ಅವರ ಸಿನಿಮಾ ಜರ್ನಿ

ಶರ್ಮಿಳಾ ಮಾಂಡ್ರೆ ಅವರದ್ದು ಮೂಲತಃ ಸಿನಿಮಾದ ಹಿನ್ನೆಲೆ ಇರುವ ಕುಟುಂಬವೇ. ಇವರ ಅಜ್ಜ ರಮಾನಂದ ನಾರಾಯಣರಾವ್ ಮಾಂಡ್ರೆ ಬೆಂಗಳೂರಿನಲ್ಲಿ ದೊಡ್ಡ ನಿರ್ಮಾಪಕರು ಮತ್ತು ವಿತರಕರಾಗಿದ್ದರು (ಪ್ರಸಿದ್ಧ ಸಂಗಮ್ ಥಿಯೇಟರ್ ಇವರದ್ದೇ ಆಗಿತ್ತು). ಶರ್ಮಿಳಾ ಅವರ ಮೊದಲ ಸಿನಿಮಾ ‘ಸಜನಿ’ ಚಿತ್ರವನ್ನು ಇವರ ಸೋದರ ಸಂಬಂಧಿ ಸುನಂದಾ ಮುರಳಿ ಮನೋಹರ್ ಅವರೇ ನಿರ್ಮಿಸಿದ್ದರು.

‘ಸಜನಿ’ ನಂತರ ಶರ್ಮಿಳಾ ಅವರು ‘ಕೃಷ್ಣ’, ‘ನವಗ್ರಹ’, ‘ಸ್ವಯಂವರ’, ‘ಮಮ್ತಾಜ್’, ‘ಮಾಸ್ ಲೀಡರ್’, ‘ಗಾಳಿಪಟ-2’ ನಂತಹ ಹಲವು ಕನ್ನಡ ಸಿನಿಮಾಗಳಲ್ಲಿ ನಟಿಸಿದರು. ಜೊತೆಗೆ ತೆಲುಗು, ತಮಿಳಿನಲ್ಲೂ ನಟಿಸಿದ್ದಾರೆ.

Sharmila Mandre Marriage: ನಟಿ ಮಾತ್ರವಲ್ಲ, ನಿರ್ಮಾಪಕಿಯೂ ಹೌದು!

ಶರ್ಮಿಳಾ ಕೇವಲ ನಟನೆಯಷ್ಟೇ ಅಲ್ಲದೆ ಸಿನಿಮಾ ನಿರ್ಮಾಣದಲ್ಲೂ ತೊಡಗಿಸಿಕೊಂಡಿದ್ದಾರೆ. ತಮಿಳಿನಲ್ಲಿ ‘ನಾನುಂ ಸಿಂಗಲ್ ತಾನ್’, ‘ಸಿಲ ನಾಡಿಗಳಿಲ್’ ಸೇರಿದಂತೆ ಸುಮಾರು ಐದು ಸಿನಿಮಾಗಳನ್ನು ಇವರು ನಿರ್ಮಿಸಿದ್ದಾರೆ.

ಇತ್ತೀಚೆಗೆ ದರ್ಶನ್ ನಟನೆಯ ‘ಡೆವಿಲ್’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದ ಶರ್ಮಿಳಾ, ಸದ್ಯ ತಮಿಳಿನ ‘ಅದೃಷ್ಟಶಾಲಿ’ ಹಾಗೂ ಕನ್ನಡದ ‘ದಸರಾ’ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಇದರಲ್ಲಿ ‘ದಸರಾ’ ಸಿನಿಮಾವನ್ನು ಅವರೇ ಸ್ವತಃ ನಿರ್ಮಾಣ ಮಾಡುತ್ತಿರುವುದು ವಿಶೇಷ. ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆಕ್ಟಿವ್ ಇರೋ ಶರ್ಮಿಳಾ ಈಗ ಹೊಸ ಜೀವನಕ್ಕೆ ಕಾಲಿಡುತ್ತಿರುವುದಕ್ಕೆ ಅಭಿಮಾನಿಗಳು ಶುಭ ಕೋರುತ್ತಿದ್ದಾರೆ.

Also Read: Actor Doddanna Cyber Complaint: ದೊಡ್ಡಣ್ಣ ಸಾವಿನ ಸುಳ್ಳು ಸುದ್ದಿ: ಸೈಬರ್ ಪೊಲೀಸರ ಕಠಿಣ ಕ್ರಮ, ಕಿಡಿಗೇಡಿಗಳಿಗೆ ಜೈಲು ಭೀತಿ!